Kultura Zientifikoaren Elhuyar Laborategia

Kultura Zientifikoaren Elhuyar Laborategia

Kultura Zientifikoaren Elhuyar Laborategiak zientzia eta teknologiari buruzko hausnarketa eragitea du helburu. Horretarako, informazioa jaso eta zabaldu ez ezik, harremanak sustatuko ditu ikerketa-sarearen, administrazioaren, hezkuntzaren eta gizartearen artean eta eragile horien guztien iritzia eskuratzen ahaleginduko da. Akuilu-lana izango da berea, zientzia eta teknologiaren alorreko hausnarketa eragiteko gizartean.

Helburu nagusi hauek ditu:

• Ikertzaileen eta hiritarren arteko harremanak sustatzea.
• Zientziaren eta teknologiaren inguruko hausnarketa akademiko zein publikoa sustatzea.
• Zientziaren eta teknologiaren ezagutza sustatzea, eta zientzia eta teknologia jarduera sozial gisa aurkeztea.
• Ikertzaileen eta hiritarren sentsibilizazioa sustatzea.
• Elkarrizketa sozialerako argumentuak eskaintzea; erabakiak hartzeko pertsonen autonomia sustatzea, gizarte demokratikoago eta irekiago bat eragin dezaten.
• Berrikuntza teknologiko eta zientifikoen inguruko jarrera eta ekintza demokratikoak sustatzea.

HURRENGO MINTEGIA

“Bokazioak lantzen: nola egin erakargarri ikasleentzat zientzia eta teknologia” mintegia egingo dugu ekainaren 27an eta 28an. Bigarren Hezkuntzako eta Batxilergoko zientzia- eta teknologia-arloko irakasleei zuzenduta dago jardunaldia.

Antolatzaileak: Elhuyar Fundazioa